የአዲስ አበባ ዩኒቨርሲቲ ተማሪዎች በአንድነት እንደሚቆሙ አሳወቁ “አንከፋፈልም!” ሰላማዊ ሰልፈኞቹ

Daily Ethiopian News, አዳዲስ ዜናዎች።
Forum rules
** When you post a News please include the Source link.
For More Ethiopian News please visit the Home Page
http://ethiopiaforums.com/
selam sew
Leader
Leader
Posts: 547
Joined: 08 Feb 2011 11:14
Contact:

የአዲስ አበባ ዩኒቨርሲቲ ተማሪዎች በአንድነት እንደሚቆሙ አሳወቁ “አንከፋፈልም!” ሰላማዊ ሰልፈኞቹ

Unread post by selam sew » 18 Dec 2015 16:17

የአዲስ አበባ ዩኒቨርሲቲ ተማሪዎች በአንድነት እንደሚቆሙ አሳወቁ “አንከፋፈልም!” ሰላማዊ ሰልፈኞቹ

በነገረ ኢትዮጵያ ሪፖርተር

መንግስት ህዝብ ሳያምንበት ማስተር ፕላኑን ተግባራዊ አደርጋለሁ በማለቱ ተቃውሟቸውን ያሰሙት የአዲስ አበባ ዩኒቨርሲቲ ተማሪዎች እንደማይከፋፈሉና በአንድነት እንደሚቆሙ በሰላማዊ ሰልፍ ገለፁ፡፡ ተማሪዎቹ ዛሬ ታህሳስ 8/2008 ዓ.ም ዩኒቨርሲቲው ግቢ ውስጥ ባደረጉት ሰላማዊ ሰልፍ ‹‹ለአንድነት እንቆማለን፣ አማራን እንወዳለን፣ ጉራጌን እንወዳለን፣…አንከፋፈልም…..›› ሲሉ ከሌሎች ጋር ግጭት ውስጥ እንደማይገቡና በአንድነት እንደሚቆሙ አሳውቀዋል፡፡
Image
Protest in Addis Ababa University

ከማስተር ፕላኑ ጋር በተያያዘ በተነሳው ሰፊ ተቃውሞ ጭንቀት ውስጥ የገባው መንግስት ተቃውሞው ‹‹የብሄር ግጭት›› እንዳስነሳ በተደጋጋሚ የገለፀ ሲሆን ይህ የመንግስት ክስ ተቃውሞውን ለማኮላሸት የተወጠነ እንደሆነ ሲገለፅ ቆይቷል፡፡ የአዲስ አበባ ዩኒቨርሲቲ ተማሪዎችም መንግስት ተቃውሞውን ለማኮላሸት ያቀረበው ክስ መሆኑን በመግለፅ ለአንድነት እንደሚቆሙና ከሌሎች ጋር ግጭት ውስጥ እንደማይገቡ ገልፀዋል፡፡

በትናንትናው ዕለት ሎሚቱ ዋቅቡልቻ እና ሩት ቱሉ የተባሉ የአዲስ አበባ ዩኒቨርሲቲ ተማሪዎች ታፍነው ተወስደው የደረሱበት ባለመታወቁ በዛሬው ዕለት ተቃውሟቸውን ያሰሙት የአዲስ አበባ ዩኒቨርሲቲ ተማሪዎች መንግስት በሚወስደው እርምጃ ተቃውሟቸውን አሰምተዋል፡፡ የፌደራል ፖሊስ ወደ ዩኒቨርሲቲ ግቢው በመግባት በርካቶችን እንደደበደበና የታሰሩም እንደሚገኙበት የነገረ ኢትዮጵያ ምንጮች ገልፀዋል፡፡



Post Reply

Return to “Ethiopian Daily News .. ኢትዮ ዜናዎች”