Health: በእርግዝና ወቅት የሚፈጠር የሰውነት መለጠጥ ከወሊድ በኋላ ቋሚ ሆኖ እንዳይቀር 3

Life, Health, Religion, Social, General Question
Forum rules
No cursing, bad language and offend other users !
No pornographic images or links!
This forum monitored regularly. We will BAN users without warning for not obeying rules.
እባክዎ የፎረሙን ህጎች ያክብሩ::
munaye
Leader
Leader
Posts: 135
Joined: 27 Aug 2009 21:29
Contact:

Health: በእርግዝና ወቅት የሚፈጠር የሰውነት መለጠጥ ከወሊድ በኋላ ቋሚ ሆኖ እንዳይቀር 3

Unread post by munaye » 06 May 2014 15:42

በእርግዝና ወቅት የሚፈጠርብኝ የሰውነት መለጠጥ ቋሚ ምልክት እንዳያመጣብኝ ምን ላድርግ?
ጥያቄ፡- የማቀርበው ጥያቄ የ28 ዓመት ወጣት ነኝ፡፡ የዛሬ ዓመት የምወደውን ሰው አግብቼ አብሬ መኖር ጀምሬያለሁ፡፡ አሁን ደግሞ ልጅ የመውለድ ፕሮግራሜን እውን ለማድረግ እፈልጋለሁ፡፡ እናት መሆን በጣም የሚያስደስት ልምድ እንደሆነ ይሰማኛል፡፡ በማረግዝበት ጊዜ ግን በእርግዝና ወር የሚፈጠረው የሰውነት መለጠጥ ቋሚ ምልክት እንዳያመጣ መከላከል እፈልጋለሁ፡፡ ምን ባደርግ ይሻለኛል?
How to reduce belly stretch marks after birth
Image

ራሄል ወሰኑ

ውድ ራሄል፡- መልካሙ ዜና በእርግዝና አልያም በከፍተኛ የክብደት መቀነስ ምክንያት የሚከሰተው ሸንተረር ማጥፋት አስቸጋሪ በመሆኑ ሳይጀመር በፊት መከላከል መፈለግሽ ነው፡፡ ቆዳ ላይ የሚታየው ቀላ ያለ ትንሽ ቆይቶ አንፀባራቂ ወይንም ብራማ ቀለም ያለው ምልክት ወንድ ሴት ሳይል ማንኛውም የሰውነት ክፍል ላይ ሊወጣ ይችላል፡፡ ለምሳሌ በሆድ፣ በችን፣ በጡት፣ በታፋ ወይም በታችኛው ወገን ላይ ሊታይ ይችላል፡፡ ከላይ ከተጠቀሱት ምክንያቶች በተጨማሪ ለተለያዩ ምክንያቶች በምንወስዳቸው መድሃኒቶች ምክንያት ጭምር ሊመጣ ይችላል፡፡
ሸንተረርን ለመከላከል የሚቻልባቸው ጥቂት መንገዶች መካከል የሚከተሉትን ልጠቁምሽ እወዳለሁ፡፡

1. ዘይት፣ ቅቤ፣ ሎሽን፣ ክሬም ወይም ለሸንተረር ተብለው የተሰሩ ልዩ ቅባቶችን ለቆዳችን የሚስማማውን በመምረጥ ሁሌም ያለመሰልቸት መቀባት፡፡ እርጉዝ ሴት ምንም አይነት ነገር ከመጠቀሟ በፊት ሐኪሟን ልታማክር የሚገባት ሲሆን ለጤናዋ የማይጎዳ መሆኑን ካረጋገጠች በኋላ በተፈገለው መጠን ያለማቋረጥ መቀባት ይኖርባታል፡፡
2. ‹‹ውሃ ጠጪ›› የሚባለው ተደጋጋሚ ምክር ለቆዳችን ጤናና ውበት በተራ ቁጥር አንድ ላይ ከሰፈረ ከርሟል፡፡ በመሆኑም ሸንተረር ከመከላከያ ዘዴዎች አንዱ ብዙ ውሃ መጠጣት መሆኑ ታምኖበታል፡፡ በቂ ውሃ ቆዳን በማለስለስ ሸንተረር በቆዳችን ላይ የመታየቱን እድል ዝቅ እንደሚያደርግ ጥናቶች የሚጠቁሙ ሲሆን፤ በብዛት የቡናና ሻሂ ተጠቃሚ የሆኑ ሰዎች የጠጡትን ያህል ወይም ከዛ በላይ ውሃ በላዩ ላይ ቢወስዱበት ሸንተረርን ለመቀነስ እንደሚችሉ ታውቋል፡፡

3. አትክልትና ፍራፍሬዎች በብዛት መመገብ

በሰለጠነው ዓለም ሰዎች ሸንተረርን ለማጥፋት ቀዶ ጥገና የሚያከናውኑ ሲሆን ውጤቱ በግለሰቡ ዕድሜ፣ የቆዳ አይነት እና የምግብ አወሳሰድ ይለያያል፡፡ በሀገራችን ይህንን መንገድ ተጠቅሞ ማስወገድ ስላልተለመደ ከላይ በተጠቀሱት ሁለት መንገዶች ተጠቅሞ መከላከል ይመረጣል፡፡ መልካሙን ሁሉ በእናትነትሽና በእርግዝናሽ መልካሙን ሁሉ እመኝልሻለሁ፡፡


Post Reply

Return to “Ethio General .... ኢትዮ ማህበረሰባዊ ርዕሶች”