ፖሊስ እየጠራ እንደሚያስፈራራቸው የወልቃይት - ማይ ካድራ ሰዎች ተናገሩ። VOA Amharic

Daily Ethiopian News, አዳዲስ ዜናዎች።
Forum rules
** When you post a News please include the Source link.
For More Ethiopian News please visit the Home Page
http://ethiopiaforums.com/
selam sew
Leader
Leader
Posts: 534
Joined: 08 Feb 2011 11:14
Contact:

ፖሊስ እየጠራ እንደሚያስፈራራቸው የወልቃይት - ማይ ካድራ ሰዎች ተናገሩ። VOA Amharic

Unread postby selam sew » 12 Feb 2016 23:04

ፖሊስ እየጠራ እንደሚያስፈራራቸው የወልቃይት - ማይ ካድራ ሰዎች ተናገሩ።




Image
ዋሽንግተን ዲሲ —ፌብሩወሪ 13, 2016

በወልቃይት ሕዝብ የማንነት ጥያቄ ላይ ውሣኔ እንዲሰጠን ለፌደራል መንግሥት ባስገባነው ጥያቄ ምክንያት ዛቻና ወከባ እየደረሰብን ነው ያሉ የአካባቢው ነዋሪዎች ስሞታ እያሰሙ ነው።

በምዕራባዊ ትግራይ ዞባ በቃስታ ሁመራ ወረዳ ውስጥ በምትገኘውና ከሱዳን ጋር በምትዋሰነው ማይ ካድራ ቀበሌ ውስጥ ያሉ ነዋሪዎች ፖሊስ ሰዉን እየጠራ እያስፈራራ ወረቀት ያስፈርማል ብለዋል።

ቀበሌአችንን መገናኛ ብዙኃን አያውቁትም፤ ሃሣባችንን ተናግረን የፈለጉትን ቢያደርጉንም አንፈራም ሲሉ ማንነታቸውን ሳይደብቁ ከቪኦኤ ጋር ቃለ ምልልስ ያደረጉት ሁለት የቀበሌዪቱ ነዋሪዎች ቀደም ሲል ተወካዮቻቸውን ወደ ፌደራል መንግሥት ልከው እኛ ከዘር ማንዘራችን አማሮች ነን፤ ክልላችንም አማራ ክልል ነው ሲሉ ፊርማ አሰባስበው አቤቱታ ያስገቡትን ሰዎች ፖሊስ ጣቢያ እየጠሩ ያስፈራራሉ፤ ይዝታሉ ብለዋል።

“ሰዎች አሳስተውን ነው እያልን እንድፈርም እያደረጉን ነው፤ ነጭ ወረቀት ላይም እንፈርማለን” ብለዋል።

ስለሁኔታው የአካባቢው ባለሥልጣናት የሚሉትን ለመጠየቅ ወደ ሁመራ ወልቃይት ዞንና ወደ ወረዳው ያደረግናቸው በርካታ ጥረቶች ለጊዜው አልተሣኩም፤ በጥረታችን እንቀጥላለን።

በሌላ በኩል ደግሞ ሰሞኑን የትግራይ ክልል ፕሬዚዳንት አቶ አባይ ወልዱ የመሩት ስብሰባ እዚያው ምዕራብ ትግራይ ውስጥ ሲካሄድ ቆይቷል።

ስብሰባው የተወያየው በዚሁ የወልቃይት የማንነት ጥያቄ ላይ መሆኑም ተሰምቷል።

ከአራት የአካባቢው ወረዳዎች የተጠራ ወደ ስድስት መቶ የሚሆን ተሣታፊ ተገኝቶበታል።

የተሣታፊዎች የአቋም መግለጫ ነው የተባለ ሰነድም ወጥቷል።

የትግራይ ክልል የፀጥታና የአስተዳደር ኃላፊው አቶ ሃዱሽ ዘነበ “ይህንን ትርምስ የሚመሩት ኃይሎች ኢሕአዴግን በምርጫም በጦር ሜዳም ሊያሸንፉት ያልቻሉ ኃይሎች ናቸው፡፡ የሌለ የማንነት ጥያቄ እያነሱ እርስ በራሱ እንዲጫረስ፣ ከልማት ጎዳና ለማስወጣት እየሠሩ ይገኛሉ፤ ከሻዕቢያና ከሌሎች ኃይሎችም እነማን እንዳሉ መረዳት ይኖርብናል፡፡ መንግሥት ከዛሬ ጀምሮ ትዕግሥቱ ተሟጥጧል” ብለዋል።

ለተጨማሪ የተያያዘውን የድምፅ ፋይል ያዳምጡ።


Return to “Ethiopian Daily News .. ኢትዮ ዜናዎች”