Page 1 of 1

ተረት ናምሳሌ-የፈላሰፎች ንግግር

Posted: 25 Dec 2009 08:40
by mary
የፈላስፎች ንግግር

ሀብታም ይደኸያል ሀኪምም ይሞታል
ጎበዝ ይሸነፋል ብልህ ይሳሳታል
የበራውም ጠፍቶ የሰሩት ይፈርሳል
የቆመውም ወድቆ የሳቀ ያለቅሳል
ጌጥም ሆነ ጥበብ ውበት ሆነ ክብርም
ያማረበት ነገርማስቀየሙ አይቀርም።
*
ፍሬ መሬት ወድቆ ከዋለ ካደረ
ሰው ገንዘብ አግኝቶ መክበር ከጀመረ
የመጣ ነውና ቀድሞውን ከጥንት
ሁለቱም አይድኑ ከመበላሸት።
*
የሰዎችን ጠባይ የተመራመረ
አንድ ፈላስፋ ሊቅ እንዲህ ተናገረ
በጣም በማስተዋል ከላይ እስከ ታች
ስመለከታቸው የሰውን ልጆች
እያጣሁባቸው ግብሩ እሚመሰገን
እንቃቸው ጀመር እጅግ ያለመጠን።
*
የደንቆሮ መንፈስ ምንኛ ታደለ
ብልጥነት አላጣም ጅል እየመሰለ
እንኳን መፅሃፍ ማንበብ ፊደል ሳያጠና
ሁሉንም ያወቀ ይመስለዋልና።
*
የሊቅ ሰው መከራ የብልህ አባዜ
ሲጨነቅ መኖር ነው ባሳብ በትካዜ
አቶ ዐሳበ ቢስ ይተኛ ዝም ብሎ
ከትራሱ ጋራ ዐሳቡን ጠቅልሎ።
*
ኩራትና ትእቢት የሞሉት አናት
ሰይፍና ጎራዴ የመቱት አንገት
አይገላገሉም እንዲህ በቀላሉ
እመሬት ላይ ወድቀው ሳይንከባለሉ።
*
ገንዘብ መፈጠሩ ለሰው አገልጋይ
ሆኖ ሊሰራበት አልነበረም ወይ
አሁን ግን መስገብገብ በጣም ስለበዛ
ሰው ባሪያ እየሆነ ለገንዘብ ተገዛ።