Page 1 of 1

ተረትና ምሳሌ አንደኛመፅሃፍ

Posted: 21 Dec 2009 02:28
by mary
ሞት ሁሉን እኩል ያደርጋል

ሀብታምና ድሃ ሞተው ሲቀበሩ
መቃብራቸውን ሰዎች ሲቆፍሩ
እጅግ አርጎ በጣም ስለተቃረበ
ሀብታም ተቆጥቶ እንዲህ ተሳደበ።
ምነው አንተ ድሃ እንደዚህ ደፈርከኝ
ምንስ አንተን ዛሬ ለማጥቃት ቢያውከኝ።
ራቅ እንደማለት እኔን ተመልክተህ
አጠገቤ እንደዚህ በጣም ተጠግተህ
እንዴት ይገባሃል ደፍረህ መተኛት
ተነስ ሂድ አሁንም ከምትሄደበት።
ድሃም መለሰና እንዲህ ተናገረ
አልጋና መከዳ ሲያማርጥ የኖረ።
ያንተ ገላ ነበር ያለቦታህ ገብተህ
የተኛህ አንተነህ አሁንም ተነስተህ
ያን የለመድከውን የምቾቱን ስፍራ
ፈልግ እሌላ ዘንድ እዚህ ከኔ ጋራ
ምን አምጥቶ ጣለህ እኔ ግን ከጥንት
ወትሮም ልማዴ ነው መሬት መተኛት።
ጎበዝ አይል ፈሪ ድሃ ባለጠጋ
ሁሉን አስተካካይ ሞት የሚሉት አደጋ።

ታሪክና ምሳሌ
ክቡር ዶክተር ከበደ ሚካኤል።