ለሁለተኛ ጊዜ ተገቢውን ክብርና ፍቅር የነፈግናት ጀግና- አዜብ ወርቁ

ግጥሞች፣ታሪኮች፣ፎቶዎች፣ሙዚቃዎች
Poems,Short stories, graphics,pictures,musics,Technology
selam sew
Leader
Leader
Posts: 534
Joined: 08 Feb 2011 11:14
Contact:

ለሁለተኛ ጊዜ ተገቢውን ክብርና ፍቅር የነፈግናት ጀግና- አዜብ ወርቁ

Unread postby selam sew » 15 Dec 2015 12:55

ለሁለተኛ ጊዜ ተገቢውን ክብርና ፍቅር የነፈግናት ጀግና- አዜብ ወርቁ
(ቃልኪዳን ኃይሉ)

Image

አዜብ ወርቁ አንጋፋ፣ ጥቂትና ተወዳጅ ከምንላቸው እንስት ተዋንያንና ደራሲዎቻችን መካከል አንዷና ዋነኛው ነች፡፡ አዜብ ወርቁ ተዋንያን፣ ደራሲ እንዲሁም ተርጓሚ ነች፡፡ ከተወነችባቸው ውስጥም የሚስት ያለህ፣ ኮንዶሚኒየሙ፣ የሌባ ልጅ (ተዋንያን)፣ ስምንቱ ሴቶች… ሌሎችም አሉ፡፡

በድርሰት ስራውም ኮንዶሚኒየኑን-ፊልም፣ የሚስት ያለህን-ትያትር (ትርጉም)፣ ጨምሮ ተከታታይ የቴሌቪዥን ድራማ-ገመና ቁጥር ሁለትና ዳና እስከ ምእራፍ ሶስት መቋጫ ድረስ ብቻዋን የፃፈች ጀግና ደራሲያችን ነች፡፡

ዛሬ ለመፃፍ የተነሳሁበትም ዋናው ጉዳይም ስለ አዜብ ወርቁና ተከታታይ ድራማዎቿ ነው፡፡ አዜብ ወርቁ ተከታታይ የቴሌቪዥን ድራማን ለብዙ ተከታታይ አመታት ፅፋለች፡፡ እንደውም ተከታታይ የቴሌቪዥን ድራማን ለብዙ ጊዜያት በመፃፍ አንደኛና ብቸኛ ትመስለኛለች፡፡ ጀማሪው አዶኒስ ቢሆንም አዜብ ወርቁ ግን በዳናና በገመና ሁለት ለብዙ አመታት የፃፈች ይመስለኛል፡፡

ይህች ባለትዳርና የሁለት ልጆች እናት፤ ልጅ ከማሳደግና ከትዳር ሕይወቷ ጋር አዳብላ አድካሚውን፣ ብዙ ጥናትና በርታት የሚጠይቀውን ተከታታይ የቴሌቪዥን ድራማ መፃፍ የተለየ ብርታትና ልዩ ጥንካሬን ይጠይቃል፡፡ ይህ ጥንካሬ እንደኛ ባለ የሴቶችን ጫናና ጉዳት አውቆም ሆነ ሳያውቅ በሚያበዛ ማሕበረሰብ ሲሆን ደግሞ በኃይለኛው ይፈትናል፡፡
ቢሆንም ግን አዜብ ወርቁ ያሉትን ተግዳሮቶች ተቋቁማ ገመና ሁለትንም ሆነ ዳናን ግብ ለማድረስ ጥራለች፡፡ ጥራም በደንብ ተሰክቶላታል፡፡ ግን ይህች ጀግና ደራሲና ተዋንያናችን ለእነዚህ ስራዎቿ ተገቢውን ክብርና ሞገስ የነፈግናት ይመስለኛል፡፡

ገመና ቁጥር አንድ በአዶኒስ ተደርሶ ሲጠቃለል ማጠቃለያውን በኢትዮጵያ ቴሌቪዥንና በገመና ፕሮዲውሰሮች አማካኝነት ድል ያለ ዝግጅት ተዘጋጅቶ የመንግስት ባለስልጣናት ባሉበት ከተዋንያን እስከ ደራሲ እውቅናና ክብር ሲሰጠው አይተናል፡፡ በዚህም በጣም ደስ ብሎናል ኮርተናልም፡፡

በመቀጠልም ሰው ለሰው ለአመታት ከታየ በኋላ ሸራተን አዲስ ሆቴል ድል ያለ ድግስ ተደግሶ ከተዋንያን እስከ ደራሲ በክብር ሲሸኙና ሲሸለሙ አይተን ነበር፡፡
ቀጠለና ሞጋቶቹ የተባለው የኢቢኤስ ተከታታይ ድራማ መጣ፡፡ ይህ ድራማ በእርግጥ አልተቋጨም፡፡ ነገር ግን በደራሲውን በፕሮዲውሰሮቹ መካከል መቃቃር ተፈጥሮ ደራሲው ስራውን ሲለቅ የሞራል ካሳ እንደ ውስጥ አዋቂዎቼ ገለፃ ከሆነ የመቶ ሐምሳ ሺሕ ብር ካሳ ተከፍሎታል፡፡

እንግዲህ ወደ እንስት ደራሲያችን በተለይ በተከታታይ ድራማ (ለጊዜው ብቸኛዋና ቀዳሚዋ እንስት ትመስለኛች) ወደ አዜብ ወርቁ ስንመጣ ግን መልሱ ምንም ይሆናል፡፡ ገመና ቁጥር ሁለት ለአዜብም ለተዋንያኑም ምንም አይነት ፕሮግራም ሳይደረግ እንዲሁ በደረቁ ተረሱ፡፡
ቀጠለ ዳና ላይ አዜብ ምንም አይነት ክብርና እውቅና ሳይሰጣት (እዚህ ጋር የዳና ሲዝን ሶስት መዝጊያና የዳና ክፍል አራት መክፈቻ የቀይ ምንጣፍ ዝግጅት ነበር፡፡ የዛኔ አዜብ ወርቁ ስሟ ተጠርቶ በፍሬም ውስጥ ያለ ምስክር ወረቀት ሊለሰጣት ተሞክሮ ነበር፡፡ ቢሆንም እሷ አልነበረችም፡፡) ከዚህ ውጪ ለአዜብ ምንም ነገር በአደባባይም ሆነ በድብቅ ሲደረግ አልሰማሁም አላየሁም፡፡ እንደውም ደራሲ መቀየሩም ሕዝቡ በይፋ ሳያውቀው ፊልሙ ተጀምሮ ስክሪኑ ላይ ነው ያየነው፡፡

ለምን ለአዜብ ለአዜብ ጊዜ እንዲህ ይሆናል? ኢትዮጵያ ቴሌቪዥን ይህን ነገር እንዴት ያየዋል? በአዜብ ወርቁ የድራማ ጽሁፍ ብዙ የስፖንሰር ገቢዎች ለፕሮዲውሰሩም ለኢትዮጵያ ቴሌቪዥንም ገብቷል፤ እንደ ሀገርም ይህቺ በተከታታይ ፊልም ለጊዜው ብቸኛ የምንላትን እንስት እንዴት ነው ልናከብራት የሚገባው? እንደማሕበረሰብ በዚህች እንስት ደራሲ ስራ ተዝናንተን፣ ተናደን፣ ተደስተን፣ ተምረን አልፈናል፡፡ ግን እሷ ስራዋን ስትጨርስ ምን አልን?
ለገመና አንድና ለሰው ለሰው ደራሲዎች የተሰጠው ሽፋን ለአዜብ ወርቁ ስለለምኑ ይቀራል? በእሷ የጥበብ ትሩፋት የተጠቀመ ሕዝብ፣ ኢትዮጵያ ቴሌቪዥን፣ ፕሮዲውሰርስ ምን ያስባል? ይህቺ የኢትዮጵያ ቴሌቪዥንን የመዝናኛ ድርቅ የሰበረች፤ ይህቺ የመቻልና የጥንካሬ ምልክታችንን ያላስታወስን ማንን ልናስታውስ ነው?

የኢትዮጵያ ሕዝብ፣ የኢትዮጵያ ቴሌቪዥንና የገመና ሁለትና የዳና ፕሮዲውሰሮች ያልከፈላችሁት የአዜብ ወርቁ እዳ አለባችሁ፡፡ አንድ ቢቀር ሁለተኛውን ክብር ልንነሳት አይገባም፡፡

በድጋሚ ለአዜብ ወርቁ ክብር ይገባታል፡፡




Return to “Ethio Art and Culture..ኢትዮ ጥበብ ፤ስነ ጽሁፍ ፤”