Page 1 of 1

መንግስቱ ለማ-የግጥም ጉባኤ ከሚለው ስብስብየተወሰደ

Posted: 19 Oct 2009 07:09
by mary
ኪስ
የኢትዮጵያ ያገራችን ልብስ
እጀጠባብ ሱሪ ኩታና ቀሚስ
ኪስ የለባቸውም አብዛኛውን ጊዜ
የሚለብሳቸውም ይተክዝ ትካዜ

የፈርንጆችን ልብስ ካየ ካስተዋለ
ያውቀዋል መቶ አይነት ልዩ ኪስ እንዳለ
የደረት ኪስ አለ ከሁሉ አስቀድሞ
የዳሌ ኪስ አለ የወገብ ኪስ ደግሞ
<<የእንደዚያም>> ኪስ አለ ለመደምደሚያው
ከዚህ ከጎደለ አዋቂ ይሙላው።

ለምንድን ይረባል
ለምንስ ይጠቅማል የኪስ ብዛት ማት?
ብሎ የሚጠይቅ ካለ ምናልባት
ያስቸግራል በጣም እሱን ማስረዳት።

ኢትዮጵያዊ የጠራው አበሻ
ጥሬው ያገሬ ልጅ ለመደሰት ቢሻ
ምንጭ ያመሰግናል አባይን ሳያይ
የማይዋጥ ነገር አይመስለው ሲሳይ።

Re: መንግስቱ ለማ-የግጥም ጉባኤ ከሚለው ስብስብየተወሰደ

Posted: 24 Oct 2009 07:05
by morefun
በጣም እናመስግናለን አሪፍ ግጥም ናት..... ;) ;) ;) ;)

Re: መንግስቱ ለማ-የግጥም ጉባኤ ከሚለው ስብስብየተወሰደ

Posted: 26 Oct 2009 04:18
by mary
አመሰግናለሁ... ሌላም ይጨመራል