ብሄራዊ ባንክን ከ95 ሚሊዮን ብር በላይ ያጭበረበረው ግለሰብ አስማረ አያሌው ተያዘ

(AddisNews)- ቁርጥራጭ ብረቶችን ወርቅ ነው ብሎ $ 95,553,413.89 ብር ከብሄራዊ ባንክ አጭበርብሮ ወስዷል ተብሎ የ25ዓመት ጽኑ እስራት እና 180ሺ ብር የተፈረደበት አቶ አስማረ አያሌው ደስታ በትላንትናው ዕለት ከተባበሩት አረብ ኤምሬትስ ለኢትዮጵያ መንግስት ተላልፎ ተሰጠ::
በትላንትናው ዕለት ማታ በፌዴራል ፖሊስ እና በኢትዮጵያ የኢንተር ፖል ተወካይ ታጅቦ አዲስ አበባ ቦሌ ኢንተርናሺናል አየር ማረፊያ የደረሰው አቶ አስማረ  አያሌው ቀለል ያለ ነጭ ቲሸርት ያደረገ ሲሆን ሁለቱ እጆቹ በካቴና ቢታሰሩም ከፊቱ ግን ፈገግታ ይታይ ነበር፡፡
የኢትዮጵያ የኢንተር ፖል ተወካይ የሆኑት ኮሎኔል የማነ ሰለጉዳዩ እንደተናገሩት አቶ አስማረ አያሌው ከታህሳስ 1998ዓ.ም እስከ መጋቢት 1999ዓ.ም ባሉት ጊዜያት ከንግድና ኢንዱስተሪ ሚኒሰቴር ሀሰተኛ የሆነ የላኪና አሰመጪ ፍቃድ በማዘጋጀት እንዲሁም ከማዕድንና ኢኒርጂ ሚኒስቴር ሀሰተኛ የሆነ የወርቅ ጥራት ማረጋገጫ በመያዝ ለኢትዮጵያ ብሔራዊ ባንክ በውስጣቸው ቁርጥራጭ ብረታብረት የያዙ 29 የታሸጉ ሳጥኖች በማቅረብ ብሄራዊ ባንክን $ 95,553,413.89/100 ብር/ ዘጠና አምስት ሚሊየን አምስት መቶ ሃምሳ ሶስት ሺህ አራት መቶ አስራ ሶስት ብር ከሰማኒያ ዘጠኝ ሳንቲም/ በውቅቱ የዶላር ምንዛሬ ደግሞ $ 9,555,341/ዘጠኝ ሚሊየን አምስት መቶ ሃምሳ አምስት ሺ ሶስት መቶ አርባ አንድ የአሜሪካን ዶላር አጭበርብሯል ብለዋል፡፡
አቶ አሰማረ ድርጊቱን መፈጸሙ ሲደረስበት በኬኒያ በኩል ከሀገር እንደወጣና ለሰባት ዓመታትም መኖሪያውን በተባበሩት አረብ ኤምሬትስ አድርጓ እንደቆየ ታውቋል፡፡
አቶ አስማረ ፈጽሞታል በተባለው በማጭበርበር ድርጊት ክስ ተመስርቶበት ባለመቅረቡ እርሱ በሌለበት ክሱ እንደተሰማና ፍርድ ቤቱም ጥፋተኛ ብሎት የ25

See Also:  Ethiopian Airlines Voted "Best African Airline" at Arabian Travel Awards

ዓመት ጽኑ እስራት እና የ180ሺ ብር ቅጣት አሰተላልፎበት እንደነበር ተገልጿል፡፡
ግለሰቡ በትላንትናው እለት በቁጥጥ ስር ውሎ በኢትዮጵያ ፌዴራል ፖሊስ ኮሚሽንና በተባበሩት አረብ ኤምሬትስ ፖሊስ ኮሚሽን በብሔራዊ ኢንተር ፖሎቻቸው አማካኝነት እርክብክብ ተደርጓል፡፡
የኢትዮጲያ ብሔራዊ የመረጃ ደህንነት እና የኢትዮጵያ ፌዴራል ፖሊስ ኮሚሽን የጋራ ግብረ ሀይለ ከኢንተር ፖል ጋር በመተባበር ባለፉት ጥቂት ወራት ተጠርጣሪዎችን ከተለያዩ ሀገራት የያዘ ሲሆን በቅርቡም የግንቦት 7 ጸሀፊ የነበሩት አቶ አንዳርጋቸውን ጽጌን ከየመነ ሰነዓ እንዲሁም አቶ ሳሙኤል ዘ ሚኬኤልን ከኬንያ ናይሮቢ ይዞ ማምጣቱ ይታወሳል፡፡

Asmare Ayele Desta who fraud more than 95 Million Birr with a fake gold from Ethiopian National bank has been captured in United Arab emirates and returned to Ethiopia.

See Also:  Ethiopia cancels turbine contract on Nile dam in reform push

Asmare was exiled for the last 7 years and convicted to 25 years and $180 thousand Birr in absentia before he was captured by interpol and extradited to the Ethiopian police.

የኢቢሲ ዜና በግለሰቡ መያዝ ያጠናቀረውን ዘገባ ይመልከቱ



Click Like to Get updated News Everyday.

Related News

Comments

comments

Recommended For You

Leave a Reply

Your email address will not be published.